အိယောင်ဝါး
အလုပ်တစ်ခုကို ပြီးမြောက်အောင်မလုပ်ပဲ ဟိုဟာလုပ်မလို ဒီဟာလုပ်မလိုဖြင့် ဟိုယောင်ဒီယောင် လုပ်နေသောသူ။
မင်းကွာ ဒါလေးခိုင်းတာကို အိယောင်ဝါးလုပ်နေတယ်။
အနံကြီးကွင်းကျယ်
ကြီးကျယ်သည်။ မလိုအပ်ပဲ ဟန်လုပ်သည်၊ ကိန်းခန်းကြီးသည်။ လွှမ်းမိုးသီဆိုပြီး စိုးလွင်လွင်ရေးထားသော "အနံကြီးကွင်းကျယ်" သီချင်းတွင် "အနံကြီးပြီး ကွင်းကျယ်တဲ့ လူတွေနဲ့ နောက်တစ်ခါ မဆက်ဆံချင်တော့ဘူး" ဟုသုံးစွဲထားသည်။
ဘေးအိမ်ကလူတွေက တစ်ကယ့် အနံကြီးကွင်းကျယ်တွေပဲကွာ၊ ငါတို့ဆိုရင် မခေါ်ချင် မပြောချင်နဲ့။
အဇမ်း
အရမ်း မှဆင်းသက်လာသည်။ အဓိပ္ပာယ်မှာ အရမ်း၊ အလွန်၊ အင်မတန် တို့နှင့် တူတူပင်ဖြစ်သည်။
ငါဒီနေ့ အဇမ်းလှနေပါလား။
အော်ဆွေး
အော်ရေဂျီနယ် (original) အတိုင်း ဆွေးနေတာ၊ ဆွေးမြေ့သွားတာကို ဆိုလိုသည်။ ဆရာမင်းလူ၏ "အော်ဆွေး" စာအုပ်တွင်လည်း အနက်ကို ရှင်းပြထားပြီး အသုံးပြုထားသည်။
အရင်တုန်းက e-major queen လေ။ ပဲများနေတာနဲ့ အော်ဆွေးကြီး ဖြစ်သွားတာ။
အထူအပါး
အခြအနေ၊ အဖြစ်အပျက်တို့ကို နှိုင်းယှဉ်ဖေါ်ပြသည့်အခါတွင်သုံးသည်။
ဒီဘဲလေး အထူအပါးနားမလည်ဘူး။ ခုံဖိနပ်တစ်ဖက်၊ မြမာလာတစ်ဖက် စီးခိုင်းရမယ်။
အာပုတ်
အတု။ အာဘုတ် သို့မဟုတ် အာဗုတ် ဟု အသံထြက်သည်။ အနီးစပ္ဆုံး အာပုတ်ရည်၊ အာပုတ္နံ့ျဖစ္နိုင်သည်ဟုယူဆသျဖင့် အာပုတ်ဟု စာလုံးပေါင်းထားသည်။
- ဟေ့ရောင် ဟိုဘဲလေး ဂေရာင်းထိပ်ကြီး ကော့ပျံတက်နေပါ့လား။ ဘာကြီးလဲဟ။ - ဟာ မင်းကလဲ မေမြို့အာပုတ်ကြီးမြင်ရဲ့သားနဲ့။ ထိပ်ကော့ကြီးလဲရှိုးလိုက်ဦး၊ ဒူးပြန်ထိုးတာ့မယ်။
အ ဆ
အေး ဆေး
အဆိုတော် Lil'Z ၏ "အဆ" သီချင်း မှ "မင်း မှာလဲ မင်းရည်းစား နဲ့ ငါ့ မှာလဲ ငါ့ရည်းစားနဲ့ ဘာမှ သိပ်ပြီးမစဉ်းစားနဲ့ ရတယ် အများကြီးရှင်းမပြနဲ့ မိန်းကလေး အဆ ... အဆ အေးဆေး အေးဆေး "
အာလူးဖုတ်
အကြောင်းအရာ အတည်တကျမရှိပဲ ရောက်တတ်ရာရာ စကားပြောခြင်း။ စကားများသည်။
မနေ့ညကတောင် လ္ဖက်ရည်ဆိုင်မှာ ဟိုကောင်တွေနဲ့ အာလူးဖုတ်နေတာ တွေ့လိုက်သေးတယ်။
